ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ: ကျန်းမာရေးဗဟုသုတ

Showing posts with label ကျန်းမာရေးဗဟုသုတ. Show all posts

Sunday, 11 September 2016

စိတ်ကျန်းမာရေးအခြေအနေသည်နှလုံးအပေါ်သက်ရောက်မှုရှိ

စိတ်ဓာတ်ကျတာ၊ ပူပင်သောက များတာနဲ့ နှလုံးရောဂါအကြား ဆက်စပ်မှုကို လေ့လာခဲ့တဲ့ လတ်တလော လေ့လာမှုတစ်ရပ်အရ စိတ်ဓာတ်ကျတာနဲ့ ပူပင်သောက များတာဟာ နှလုံးရောဂါဖြစ်စေနိုင်တဲ့ အဓိက အချက်တစ်ခုဖြစ်ကြောင်း သိရပါတယ်။

ကျန်းမာရေးနဲ့ မညီညွတ်တဲ့ ဘဝနေထိုင်မှု ပုံစံ၊ ကိုယ်လက်လှုပ်ရှားမှု မရှိတာနဲ့ အသက်ကြီးတာစတဲ့ အချက်တွေကသာ နှလုံးရောဂါ ဖြစ်စေနိုင် ရုံမကဘဲ စိတ်ဓာတ်ကျတာနဲ့ ပူပင်သောကများတာတို့လို စိတ်ကျန်းမာရေး အခြေအနေတွေဟာလည်း နှလုံးရောဂါနဲ့ ဆက်နွှယ်မှုရှိနေကြောင်း သက်လတ်ပိုင်း အမျိုးသမီးတွေကို ၁၅နှစ်ကြာ လေ့လာမှုအရ သိခဲ့ရတာ ဖြစ်ပါတယ်။

ဒီလေ့လာမှုအရ အထူးသဖြင့် နှလုံးရောဂါ မျိုးရိုးရှိသူတွေ အနေနဲ့ စိတ်ဓာတ် ကျတာနဲ့ ပူပင်သောကများတာတို့ကို နာတာရှည်သဖွယ် ခံစားနေရရင် နှလုံးကျန်းမာရေး မထိခိုက်ခင် သက်ဆိုင်ရာ စိတ်ကျန်းမာရေးအထူးကု ဆရာဝန်နဲ့ အမြန်ဆုံး တွေ့ဆုံဆွေးနွေးကာ ကုသမှုခံယူဖို့လိုအပ်ကြောင်း မီးမောင်း ထိုးပြထားပါတယ်။

Healthcare.com.mm သင့်ကျန်းမာရေး စောင့်ရှောက်ပေး
Credit : Good Health

ကျွန်တော်သိ၊ကျွန်တော်တတ်၍ ရေးသားခြင်းမဟုတ်ပါခင်ဗျာ။ ကျွန်တော်လေ့လာမိသမျှကို စာဖတ်သူများပြန်လည်လေ့လာမိစေရန် ပြန်လည်မျှဝေခြင်းသာဖြစ်ပါသည်။ ကျွန်တော့်ပို့စ်တစ်ခုချင်းစီအတွက် မူရင်းရေးသားသူများကို အထူးကျေးဇူးဥပကာရတင်ရှိပါတယ်ခင်ဗျာ။ အောင်မြင့်မြတ်(Myanmar Youths) Ph-09256480246

တုပ်ကွေးရောဂါဂရုစိုက်ကြပါ

တုပ်ကွေးရောဂါသည် ဗိုင်းရပ်စ်ပိုးကြောင့် ဖြစ်ပွားပြီး နှာခေါင်း၊ လည်ချောင်းနှင့်
အဆုတ်စသည် အသက်ရှူစနစ်ကို ထိခိုက်စေသည်။ အများအားဖြင့် အထူးတလည် ကုသရန် မလိုအပ်ဘဲ သူ့အလိုလိုပျောက်ကင်းကြသည်။

လက္ခဏာများ

တုပ်ကွေးရောဂါ၏ လက္ခဏာများမှာ အအေးမိဖျားနာ (Common Cold) နှင့် ဆင်တူပြီး
- နှာစေးခြင်း
- နှာချေခြင်း
- လည်ချောင်းနာခြင်း စသည့်ဝေဒနာများ စတင်ဖြစ်ပေါ်လာတတ်သည်။

အခြား တွေ့ရသော လက္ခဏာများမှာ
- ဖျားခြင်း (100 'F (38 'C))
- ကြွက်သားများ ကိုက်ခဲခြင်း
- ချမ်းတုန်ခြင်း
- ချွေးပျံခြင်း
- ချောင်းခြောက် ဆိုးခြင်း
- ခေါင်းကိုက်ခြင်း
- နုံးခွေခြင်း စသည်တို့ ဖြစ်သည်။

ဖြစ်ပွားရသော အကြောင်းရင်းများ

တုပ်ကွေးရောဂါ ဗိုင်းရပ်စ်ပိုးသည် ရောဂါပိုးရှိသူ နှာချေခြင်း၊ ချောင်းဆိုးခြင်းမှ တဆင့် ထွက်ပေါ်လာသော တံတွေးစက်များ၊ အရည်များမှတဆင့် လေထဲသို့ ကူးစက်ပျံ့နှံ့သည်။ ထို့ကြောင့် ထိုသို့သော လေကို တိုက်ရိုက်ရှူရှိုက်မိ၍ဖြစ်စေ၊ ပိုးကပ်ညိနေသော
တယ်လီဖုန်း၊ ကွန်ပြူတာ အစရှိသော ပစ္စည်းများမှ တဆင့်ဖြစ်စေ ကူးစက်တတ်သည်။

အများအားဖြင့် ရောဂါ ဖြစ်ပွားသူသည် လက္ခဏာစတင်ပေါ်ပေါက်သည့် နေ့မှ စ
တင်ပြီး ၅ ရက်ခန့်အထိ တပါးသူကို ရောဂါကူးစက်စေနိုင်သည်။ အသက်ငယ်လွန်းသော ကလေးငယ်များ၊ အသက်ကြီးလွန်းသော အဖိုးအဖွားများနှင့် ကိုယ်ခံအားနည်းနေသူများတွင်မူ ထိုထက်ပို၍ ရောဂါကူးစက်နိုင်မှုရက် ကြာရှည်နိုင်သည်။

ရောဂါ ဖြစ်နိုင်ချေများသူများ

တုပ်ကွေးရောဂါပိုဖြစ်နိုင်သူများနှင့် ရောဂါဖြစ်ပေါ်လျှင် နောက်ဆက်တွဲ ပြဿနာများကို ပိုမိုခံစားရသူများမှာ -

- အသက်ငယ်လွန်းသော ကလေးငယ်များ
- အသက် ၆၅ နှစ်ကျော်သော လူကြီးများ
- လူအများနှင့် စုပေါင်းနေထိုင်ရသူများ
- ကိုယ်ဝန်ဆောင်များ
- ဆီးချိုသွေးချို၊ ပန်းနာရင်ကြပ် စသည့် နာတာရှည်ရောဂါရှိသူများ
- ကိုယ်ခံအားနည်းနေသူများ
- BMI 40 ကျော်သည်အထိ အဝလွန်နေသူများ

နောက်ဆက်တွဲ ပြဿနာများ

- အသက်ရှူလမ်းကြောင်း ဘက်တီးရီးယားပိုးဝင်ခြင်း (တုပ်ကွေးရောဂါ၏ နောက်ဆက်တွဲအဖြစ် အတွေ့ရအများဆုံး ဖြစ်သည်)
- ရှိနေသော နာတာရှည်ရောဂါကို ပိုဆိုးစေတတ်ခြင်း (ဥပမာ- ပန်းနာရင်ကြပ်၊ ဆီးချိုရောဂါ စသည်တို့ ပိုဆိုးစေခြင်း)
- ကိုယ်ဝန်ဆောင်စဉ် တုပ်ကွေးရောဂါဖြစ်လျှင် ၃၆ ပတ်မတိုင်မီ ကလေးစောမွေးဖွားတတ်ခြင်း၊ မွေးသည့် ကလေး ပေါင်မပြည့်ခြင်း စသည်တို့ ဖြစ်ပွားတတ်ပြီး ရှားရှားပါးပါးအနေဖြင့် ကိုယ်ဝန်ပျက်တတ်ခြင်း၊ ကလေးအသေမွေးဖွားတတ်ခြင်း စသည်တို့ ဖြစ်ပွားတတ်သည်။

ဆရာဝန်နှင့် သွားရောက်ပြသသင့်သော အချက်များ

အများအားဖြင့် ဆရာဝန်နှင့် ပြသရန်မလိုအပ်ဘဲ အိမ်တွင် အနားယူရင်းပင် ရောဂါ
ပျောက်ကင်းတတ်ကြသည်။ သို့သော် မိမိတွင် နောက်ဆက်တွဲပြဿနာများဝင်ရန် အခွင့်အရေးများလျှင် (ဥပမာ- ကိုယ်ဝန်ဆောင်၊ ဆီးချိုရောဂါရှင် စသည်) ဆရာဝန်နှင့် ပြသသင့်သည်။

ကုသခြင်း

အများအားဖြင့် ကုသရန် မလိုအပ်ပါ။
ရောဂါ သက်သာစေရန်
- ရေများများသောက်ခြင်း
- အနားယူခြင်း
- ကိုယ်ခံအား ကောင်းစေရန် အိပ်ရေးဝအောင် အိပ်စက်ခြင်း
- နာကျင်ကိုက်ခဲမှုများလျှင် ပါရာစီတမောကဲ့သို့ အကိုက်အခဲသက်သာဆေးများ သောက်ခြင်းများ ပြုလုပ်နိုင်သည်။
ရောဂါ လက္ခဏာ ပြင်းထန်သူများ၊ နောက်ဆက်တွဲ ပြဿနာများ ရှိလျှင်မူ Antiviral ဆေးများ တခါတရံ အသုံးပြု၍ ကုသရတတ်သည်။

ကာကွယ်ခြင်း

တုပ်ကွေးရောဂါကို ကာကွယ်ရန် အောက်ပါတို့ကို ပြုလုပ်နိုင်ပါသည်။

- အသက် ၆ လထက်ငယ်သော ကလေးငယ်များတွင် တုပ်ကွေးကာကွယ်ဆေး ထိုးခြင်း
- နောက်ဆက်တွဲပြဿနာ ခံစားရနိုင်ချေများသူများတွင် နှစ်စဉ် ကာကွယ်ဆေးထိုးခြင်း
- လက်ဆေးခြင်း - စနစ်တကျနှင့် မကြာခဏ လက်ဆေးခြင်းသည် တုပ်ကွေးရောဂါကို ထိရောက်စွာ ကာကွယ်နည်း တစ်ခု ဖြစ်သည်။
- နှာစေး ချောင်းဆိုးလျှင် လက်ကိုင်ပဝါ အသုံးပြုခြင်း
- လူနေထူထပ်သော နေရာများကို ရှောင်ရှားခြင်း

ကြယ်မင်းတာယာ
Healthcare.com.mm သင့်ကျန်းမာရေး စောင့်ရှောက်ပေး

မျက်ကပ်မှန်ကြောင့်မျက်စိကွယ်နိုင်သည်

ကော်နီယာ (မျက်လုံးရှေ့ဘက်ပိုင်းအလွှာ -Cornea) ရောင်ရမ်းခြင်းသည် မျက်စိကွယ်သည်အထိ အန္တရာယ်ဖြစ်စေသည်။ ဗက်တီးရီးယား၊ ဖန်းဂပ်စ်မှိုနှင့် အခြားသော ပိုမွှားများကြောင့် ကော်နီယာရောင်ရမ်းမှု ဖြစ်နိုင်သည်။ ယနေ့အချိန်တွင် ရိုးရိုးမျက်မှန်များနေရာတွင် မျက်ကပ်မှန်များ အစားထိုးအသုံးပြုလျက် ရှိကြသည်။ မျက်ကပ်မှန်ကို နည်းစနစ်မှန်ကန်စွာ ဂရုစိုက်မှုမရှိလျှင် မျက်စိအား ပိုးမွှားဝင်ရောက်ပြီး ကော်နီလာရောင်ရမ်းမှုနှင့် မျက်စိကွယ်မှုတို့ ဖြစ်နိုင်သည်။

မျက်ကပ်မှန်မှာ ရိုးရိုးမျက်ကပ်မှန်ကဲ့သို့ စိတ်မသက်မသာဖြစ်မှု ကင်းသည်။ သို့သော် ရောဂါပိုးမွှားဝင်ရန် အခွင့်အလမ်းပိုများသည်။ သန့်ရှင်းအောင် ဆောင်ရွက်ခြင်းနှင့် နည်းစနစ်မှန်ကန်စွာ သိမ်းဆည်းခြင်းတို့ပြုမှသာ မျက်စိထိခိုက်မှုကင်းနိုင်မည်ဖြစ်သည်။ မျက်ကပ်မှန် တပ်ဆင်အသုံးပြုသူများသည်။ သန့်ရှင်းမှုကို အလေးထား လုပ်ဆောင်ရန် လိုအပ်သည်။

(က) မျက်ကပ်မှန်ကို ထိတွေ့ကိုင်မှုမပြုမီ လက်ကိုရေနှင့် ဆပ်ပြာသုံး၍ စင်ကြယ်အောင် ဆေးကြောရမည်။

(ခ) မျက်ကပ်မှန်ချွတ်ပြီးလျှင် ပိုးသတ်ဆေးရည်ဖြင့် ပွတ်သပ်ဆေးကြောရမည်။

(ဂ) မျက်ကပ်မှန်ဆေးသည့် အရည်မှာ ကျွမ်းကျင်ပညာရှင်များ (အထူးကုဆရာဝန်များ) ညွှန်းဆိုသော အရည်ဖြစ်ရမည်။

(ဃ) မျက်ကပ်မှန်ဆေးရည်ကို အမြဲတမ်း အသစ်အသုံးပြုရပါမည်။ အသစ်နှင့် အဟောင်းရောစပ်၍ အဟောင်းတွင် အသစ်ထပ်ဖြည့်၍ မသုံးစွဲရပါ။

(င) မျက်ကပ်မှန်ကို ရေ (သို့) တံတွေဖြင့် သန့်ရှင်းအောင် ပြုလုပ်ခြင်းကို ရှောင်ကြဉ်ပါ။

(စ) မျက်ကပ်မှန်တပ်ဆင်လျှက် အိပ်စက်ခြင်းမပြုရပါ။

(ဆ) မျက်ကပ်မှန်ကို ရေနှင့် ဝေးဝေးရှိစေရမည်။ ရေချိုးခြင်း၊ ရေကူးခြင်း၊ ရေပူစိမ်ခြင်းစသည်တို့ မပြုလုပ်မီ မျက်ကပ်မှန်ချွတ်ရမည်။

(ဇ) မျက်ကပ်မှန်ထည့်သော ဘူးအားလည်း မျက်ကပ်မှန်ဆေးသည့် အရည်ဖြင့်ပင် သန့်ရှင်းစေရပါမည်။

(ဈ) မျက်ကပ်မှန်ထည့်သော ဘူးသီး သုံးလတစ်ကြိမ် အသစ်လှဲပေးရမည်။

(ည) မျက်စိဆရာဝန်ထံ တစ်နှစ်လျှင် အနည်းဆုံးတစ်ကြိမ် သွားရောက်ပြသပေးရမည်။

(ဋ) မျက်စ်ဆရာဝန်ထံမှ လမ်းညွှန်အကြံပေးမှုများရယူပါမည်။

(ဌ) နာကျင်ခြင်း၊ မအီမသာဖြစ်ခြင်း၊ မျက်စိနီရဲလာခြင်းနှင့် အမြင်ဝေဝါးခြင်းဖြစ်လျှင် ချက်ချင်းမျက်စိဆရာဝန်ထံ သွားရောက်ပြသရမည်။

(ဍ) အပိုတစ်စုံကိုလည်း ဆောင်ထားပေးရမည်။

Healthcare.com.mm သင့်ကျန်းမာရေး စောင့်ရှောက်ပေး
Credit : ဒေါက်တာအေးကျော် (ဇီဝကမ္မဗေဒ) ကျန်းမာရေးဆိုင်ရာ သတင်းနှင့် ဗဟုသုတများ စာအုပ်

Friday, 9 September 2016

တောက်ပသောမျက်ဝန်းတစ်စုံရဲ့နောက်ကွယ်

တောက်ပတဲ့ မျက်ဝန်းတစ်စုံကို အမျိုးသမီးတိုင်းလိုချင်တပ်မက်ကြတာချည်းပါဘဲ။ ဒါကြောင့် မျက်လုံးကို ကာလမျိုးစုံ ခြယ်သတာ၊ ကော့ညွတ်တဲ့ မျက်တောင် ပိုင်ဆိုင်ဖို့ မျက်တောင်တုတပ်တာ၊ မျက်တောင်စိုက်တာတွေ ဟာ ပျိုမေတို့ကြားမှာ ရေပန်းစားလာတာပါ။ ဒီလိုပေါ်ပြူလာဖြစ်နေတဲ့ မျက်လုံးကို အမျိုးမျိုးပြင်ဆင်ခြယ်သတာတွေ ထဲမှာမှ တောက်ပတဲ့ ရောင်စုံမျက်ဝန်းတစ်စုံထွက်ပေါ် လာစေဖို့ ခြယ်သတဲ့ ကာလာစုံရောင်ခြယ်မှုန့်တွေက မျက်လုံးအပေါ် အန္တရာယ်သက်ရောက်မှု နည်းတယ်ဆိုပေမယ့် အခန့်မသင့်ဘဲ မျက်အိမ်ထဲ ယင်းရောင်ခြယ်မှုန့်လေးတွေ ၀င်သွားပါ က မျက်လုံးယားယံခြင်း၊ နီမြန်း၊ ကျိန်းစပ်ခြင်းစတဲ့ အသေးစားတုံ့ပြန်မှုလေးတွေ ခံစားရတတ်ပါတယ်။

ဒါ့အပြင် မျက်တောင်ရှည်လာသယောင် ထင်ရစေမယ့် မျက်တောင်တုလေးတွေကလည်း တစ်နည်းတစ်ဖုံနဲ့ ပျိုမေတို့ရဲ့ မျက်လုံးကို ဆိုးကျိုးသက်ရောက် စေနိုင်တယ်ဆိုတာကိုလည်း လျစ်လျူရှုမထားသင့်ပါဘူး။ အချို့သော မျက်တောင်တုတွေမှာ မျက်လုံးကို ဓာတ်မတည့်မှုဖြစ်စေနိုင်တဲ့ formaldehyde ပါဝင်တာကြောင့် ဒီလို မျက်တောင်မျိုးတပ်မိပါက မျက်လုံးရောင်ရမ်းခြင်း၊ ပိုးဝင်ခြင်း စတဲ့ ဓာတ်မတည့်တာတွေ ဖြစ်စေနိုင်ပါတယ်။ မျက်တောင်တုတပ်တာများလာတာနဲ့အမျှ ပင်ကိုမျက်တောင်အပေါ် မျက်တောင်တုက တချိန်လုံးဖိထားတာဖြစ်တဲ့အတွက် မျက်တောင်မွှေးညှင်းပေါက်တွေပိတ်သွားကာ မျက်တောင်အစစ်တွေ ကျွတ်ထွက်ကုန်ပြီး မျက်တောင်ပြန်မပေါက်တော့တဲ့ အထိတောင် ဖြစ်စေနိုင်ပါတယ်။ ဒီလိုပါပဲ မျက်တောင်စိုက်တယ်ဆိုတာလည်း အလွန်အန္တရာယ်များတဲ့ စွန့်စားမှုတစ်ခုပါ။ မှိုပိုး၊ ဗိုင်းရပ်စ်ပိုး တွေ မျက်လုံးထဲကို တိုက်ရိုက်ဝင်နိုင်စေဖို့ လမ်းဖွင့်ပေးလိုက်သလိုဖြစ်တဲ့အတွက် မျက်လုံးဓာတ်မတည့်မှုတွေ ပြင်းထန်ဆိုးရွာစွာခံစားရနိုင်ပါတယ်။

ဒါကြောင့် ပျိုမေတို့အနေနဲ့ မျက်တောင်ကော့ညွတ်လှပဖို့အတွက် သဘာဝနည်းနဲ့ မျက်တောင်ရှည်အောင်လုပ်တာ အန္တရာယ် အကင်းဆုံးပါ။ မျက်တောင်ရှည်ဖို့ eyelash serum သုံးနိုင်သလို သံလွင်ဆီ၊ vaseline၊ (လက်သည်း၊ ဆံပင်၊ အရေပြား) အတွက်ထုတ်ထားတဲ့ Biotin ကို မျက်တောင်မွှေးလေးတွေအပေါ်အသာအယာ လိမ်းပေးနိုင်တဲ့အပြင် လက်ဖက်စိမ်း လက်ဖက်ရည် (Green Tea)ကို မျက်တောင်လေးတွေမှာ စိုစေခြင်းဖြင့်လည်း မျက်တောင်ရှင်သန်လာစေနိုင်ပါတယ်။ ဒါ့အပြင် ဟင်းသီးဟင်းရွက်၊ သစ်သီးဝလံများများစားတာ၊ ညဘက်မိတ်ကပ်ဖျက်ပြီးမှ အိပ်ရာဝင်တာစတဲ့ အလေ့အကျင့်တွေက မျက်တောင်ရှည်စေဖို့ အထောက်အကူဖြစ်စေပါတယ်။

တစ်ဆင့်ခံဆေးလိပ်ငွေ့ရှုခြင်းရဲ့အန္တရာယ်

ဆေးလိပ်၊ ဆေးရွက်ကြီး စတာတွေက ကျန်းမာရေးအတွက် မကောင်းဘူးဆိုတာ လူတိုင်းသိပေ မယ့် ရှောင်ကြဉ်ဖို့အတွက် ခက်ခဲပါတယ်။ ကိုယ်ကိုယ်တိုင် ဆေးလိပ်မသောက်ဘူးဆိုရင်တောင်မှ ပတ်ဝန်းကျင်က ပျံ့ လွင့်လာတဲ့ လေထုထဲမှ ဆေးလိပ်ငွေ့ရှိနေပါက ဆေးလိပ်ငွေ့မှာပါတဲ့ အဆိပ်အတောက်တွေက အသက်ရှူလမ်း ကြောင်းမှတဆင့် အဆုတ်ထဲကို ရောက်ရှိလာမှာ အသေအချာပါပဲ။

မလွဲသာမရှောင်သာ ရှူရှိုက်ရတဲ့ ဆေးလိပ်ငွေ့တွေကြောင့် ဆေးလိပ်သောက်သူတွေနည်းတူ တဆင့်ခံဆေးလိပ်ငွေ့ ရှိုက်ရသူတွေရဲ့ အဆုတ်ကို တိုက်ရိုက် ထိခိုက်စေပါတယ်။ နောက်ဆုံး အဆုတ်ကင်ဆာဖြစ်သည်အထိ အန္တရာယ်ကြီးမားပါတယ်။ သွေးများပျစ်ခဲလာခြင်း၊ မကောင်းတဲ့ ကိုလက်စထရော ပမာဏမြင့်တက်လာခြင်း၊ နှလုံးသွေးကြော ကျဉ်းခြင်း၊ သွေးကြောများ မာဆတ်လာခြင်း၊ ခြေ ထောက်ဆီသို့ သွေး မရောက်သောရောဂါ Buerger's Disease စတဲ့ ကျန်းမာရေးပြဿနာတွေရဲ့ အဓိကတရားခံကလည်း ဆေးလိပ်ငွေ့ပါဘဲ။

ကိုယ်ဝန်ဆောင်မိခင်များ အနေဖြင့်လည်း ကိုယ်တိုင်ပဲသောက်သောက်၊ သူများသောက်လိုက်တဲ့ ဆေးလိပ်ငွေ့ကိုပဲရှူ ရှူဆေးလိပ်ငွေ့တွေဟာ ရင်သွေးငယ်ဆီသို့ ရောက်ရှိတာကြောင့် လမစေ့၊ ပေါင်မပြည့်ပဲ ကလေးမွေးဖွားခြင်း၊ ကိုယ်ဝန်ပျက်ကျခြင်း၊ မွေးဖွားလာသော ကလေးငယ်ဟာ အသက်ရှူရခက်ခဲတဲ့ရောဂါ ခံစား ရခြင်း၊ ကိုယ်ခံအားနည်းခြင်း၊ ရုတ်တရက် သေဆုံးခြင်းစတဲ့ အန္တရာယ်ဆိုးတွေနဲ့ ရင်ဆိုင်ရမှာ ဖြစ်ပါတယ်။

ဆေးလိပ်သောက်သူတွေနဲ့ တအိမ်တည်းနေတဲ့ ကလေးငယ်တွေဟာ အခြားသော ကလေးငယ်တွေထက် အဆုတ်ပျက်စီးမှုပိုများပါတယ်။ ကြီးထွားဖွံ့ဖြိုးမှုဆိုင်ရာ နှောင့်နှေးမှုတွေ ရှိတာကိုလည်း တွေ့ရပါတယ်။

ဒါကြောင့် အဆိပ်အတောက် ကြီးလွန်းလှတဲ့ ဆေးလိပ် အန္တရာယ်မှ ရှောင်ရှားနိုင်အောင် ကိုယ်တိုင်လည်း ဆေးလိပ် မသောက်ပါနဲ့။ ဆေးလိပ်ငွေ့တွေနဲ့လည်း ဝေးဝေးနေပါ။ ဆေးလိပ်သောက်တတ်ပါ က ဖြတ်နိုင်အောင် ကြိုးစားပါ။

ရာသီဥတုပြောင်းလဲမှုကြောင့်သွေးပေါင်ချိန်မြင့်တတ်နိုင်သလား

သွေးပေါင်ချိန်ကို လွှမ်းမိုးထားတဲ့ အကြောင်းအရာတွေထဲတွင် ရာသီဥတုကလည်းတစ်ခုဖြစ်ပါတယ်။ ယေဘုယျအားဖြင့် သွေးပေါင်ချိန်က နွေရာသီတွင် နည်းပြီး ဆောင်းရာသီမှာ မြင့်မားနေတတ်ပါတယ်။ အကြောင်းကတော့ ဆောင်းရာသီမှာ အပူချိန်နည်းလို့ပါပဲ။

အပူချိန်နည်းပါးခြင်းက သွေးကြောတွေကို ကျဉ်းမြောင်းသွားစေ တာကြောင့် သွေးများစီးဆင်းရန် တွန်းအားများများ လိုအပ်ပါတယ်။ ဤနည်းအားဖြင့် သွေးပေါင်ချိန် မြင့်တက်လာခြင်း ဖြစ်ပါတယ်။ ဒါ့အပြင် သွေးပေါင်ချိန်ဟာ လေထုစိုထိုင်းမှု၊ လေထုဖိအား၊ တိမ်ထူထပ်ခြင်း စတာတွေပေါ်မှာ မူတည်ပြီး ပြောင်းလဲနိုင်ပါတယ်။ အေးသောရာသီဥတုတွင် ကိုယ်လက်လှုပ်ရှားမှုလုပ်ရန် ပျင်းရိခြင်း၊ အစားအလွန်အကျွံ စားခြင်းတို့ကြောင့်လည်း သွေးပေါင်ချိန် တက်လေ့ရှိပါတယ်။

ဒါကြောင့် သွေးတိုးရောဂါရှိသူတွေအနေဖြင့် ဆရာဝန်ဆီရောက်မှ သွေးပေါင်ချိန်တိုင်းတာခြင်း မပြုလုပ်ဘဲ အိမ်မှာသွေးပေါင်ချိန်စက် ၀ယ်ထားပြီး အမြဲတိုင်းတာပါ။ သွေးပေါင်ချိန်ကို မှတ်သားထားပါ။ သွေးပေါင်ချိန် အတက်အကျကို ဆရာဝန်ကိုပြောပြပြီး လိုအပ်လျှင် ကုသမှု ခံယူပါ။

နွားနို့နှင့်ဝက်ခြံရောဂါ

ဝက်ခြံသည် လူပျိုဖော်ဝင်စအရွယ်တွင် အများဆုံးဖြစ်ကြောင်း၊ အထူးသဖြင့် နွားနို့သောက်သုံးမှုနှင့် ဆက်စပ်မှုရှိကြောင်း နှစ်ပေါင်း ၅၀ ကျော်ကတည်းက ပညာရှင်များသာမက ကာယကံရှင် ဝေဒနာရှင်များက သတိထားမိကြသည့် အချက်တစ်ခုဖြစ်ပါသည်။ ယခင်က နွားနို့နှင့်ဝက်ခြံ ဆက်စပ်မှုရှိကြောင်းကို မဖြေရှင်းနိုင်သေးသော ဆေးဖက်ဆိုင်ရာ ပြဿနာတစ်ရပ်အဖြစ် လက်ခံထားကြသော်လည်း ယခုနောက်ပိုင်း လေ့လာမှုများအရ အဓိက
အချက်လေးချက်ကြောင့် ဖြစ်ကြောင်း သိရှိခဲ့ကြပါပြီ။

ပထမအချက်မှာ နွားနို့တွင်ပါဝင်သော အိုင်အိုဒင်းဓာတ်ကြောင့် ဖြစ်ပါသည်။ နွားနို့တွင် အိုင်အိုဒင်းဘာကြောင့် ပါလာရသလဲလို့ မေးစရာရှိပါသည်။ နွားစားသော အစားအစာထဲတွင် ဥပမာ မြက်၊ ပဲဖတ်နှင့် အခြားအရွက်များတွင် အိုင်အိုဒင်းဓာတ် များစွာပါနေလေ့ရှိသည့်အပြင် နွားကိုကျွေးသည့်နွားစာနှင့် အားဆေးများတွင်လည်း အိုင်အိုဒင်းဓာတ်ကို ဖြည့်စွက်ကျွေးလေ့ ရှိသောကြောင့် ဖြစ်ပါသည်။

နွားမွေးမြူရေးသမားများနှင့် လယ်သမားများသည် နွားများ ပိုမိုထွားကျိုင်းစေရန်၊ နွားနို့ပိုမိုထွက်ရှိစေရန်နှင့် ရောဂါပိုးမွှားများရန်မှ ပိုမိုကာကွယ်နိုင်စေရန် အိုင်အိုဒင်းကို ဖြည့်စွက်ကျွေးလေ့ရှိသောကြောင့် ဖြစ်ပါသည်။ နောက်အရေးပါသော အချက်တစ်ခုမှာ နွားနို့ညှစ်ရာတွင် အသုံးပြုသည့် အသုံးအဆောင် ပစ္စည်းများကို ဆေးကြောသန့်စင်ရာတွင် ရောဂါပိုးများ မတွယ်ကပ်နိုင်စေရန် အိုင်အိုဒင်းပါသော ပိုးသတ်ဆေးရည်များ (iodine antiseptic solution) အသုံးပြုရာမှ ကျန်ရှိသော အကြွင်းအကျန်များမှ တစ်ဆင့် နွားနို့ထဲသို့ ပါဝင်လာနိုင်ခြင်း ဖြစ်ပါသည်။

အိုင်အိုဒင်းများသည် ဝက်ခြံအဝကို ပိတ်ဆို့အောင် ပြုလုပ်ခြင်းဖြင့် ဝက်ခြံများ ပိုမိုဖြစ်ထွန်းအောင် ပြုလုပ်ပေးခြင်း ဖြစ်ပြီးသားများကို ပိုမိုဆိုးစေခြင်းတို့ ဖြစ်စေနိုင်ကြောင်း သူကဆိုပါသည်။ တစ်နေ့လျှင် နွားနို့တစ်လီတာမှ နှစ်လီတာ သောက်ရုံနှင့် ဝက်ခြံပြဿနာပေးနိုင်သည့် အနေအထားတွင်ရှိပါသည်။ ဒုတိယအချက်အနေနဲ့ နွားနို့တွင်ပါဝင်သည့် ဟော်မုန်းဓာတ်များ ဖြစ်ပါသည်။ နွားနို့ဆိုသည်မှာ နွားမကြီး ကိုယ်ဝန်ဆောင်ပြီးမှ ဖြစ်စေ၊ ဟိုမုန်းဆေးများ ထိုးနှံ၍ ဖြစ်စေ မွေးမြူးပြီးမှ ရရှိသည်ဖြစ်၍ နွားနို့ထဲ၌ ဟော်မုန်းဓာတ်များ အများအပြား ပါဝင်နေပြီး ဖြစ်ပါသည်။ အဆိုပါ ဟော်မုန်းများသည် ပြင်ပသို့ရောက်သောအခါ အင်ဒရိုဂျင် (Androgen) များ အဖြစ်သို့ ပြောင်းလဲသွားပါသည်။ ထိုအင်ဒရိုဂျင်များသည် ဝက်ခြံဖြစ်စေသည့် အဆီအိတ် (sebaceous gland) မှ အဆီများ ပိုမိုထွက်ရှိအောင် လှုံ့ဆော်ပေးခြင်းဖြင့် အဆီအိတ် တင်းလာသောအခါ ဝက်ခြံဘဝသို့ ကူးပြောင်းရောက်ရှိသွားပါသည်။

တတိယအချက်မှာပါဝင်သော တိရစ္ဆာန်အဆီ တစ်နည်းအားဖြင့် ပြည့်ဝအဆီ (saturated) များကြောင့် ဖြစ်ပါသည်။ ယင်း ပြည့်ဝအဆီများသည် ဝက်ခြံအဆီများ ပိုမိုထွက်ရှိစေခြင်းကြောင့် ဝက်ခြံပိုမိုဖြစ်ပွား ရပါသည်။ ဝက်ခြံဖြစ်သူများကို ဆရာဝန်များက ပြည့်ဝအဆီ လျှော့စားခိုင်းလေ့ ရှိရာ နွားနို့သည်လည်း တစ်ခုအပါအဝင်ဖြစ်ပါသည်။ စတုတ္ထအချက်အနေနှင့် နွားနို့တွင်ပါဝင်သော သကြားဓာတ် (Milk Sugar) ဖြစ်ပါသည်။ ယင်းသကြားဓာတ်များသည် အလွယ်တကူ စုပ်ယူနိုင်သော လက်တို့စ် (Lactose) များဖြစ်သဖြင့် ဝက်ခြံ၌ ဝက်ခြံပိုးများ ပိုမိုပေါက်ပွားစေရန် အားပေးခြင်း၊ အင်ဆူလင် ဟော်မုန်း၏ လုပ်ငန်းများကို ဟန့်တားနိုင်ခြင်းကြောင့် ဝက်ခြံများ ပိုမိုထွက်ရှိစေပါသည်။

အထက်ပါ အချက်လေးများကြောင့် နွားနို့သောက်ခြင်းသည် ဝက်ခြံရောဂါကို ပိုမိုဆိုးစေသည့် ကာလအတွင်း နွားနို့ကို ခေတ္တရှောင်ကြဉ် သင့်ပါသည်။ နွားနို့သာမက နွားနို့နှင့် ပြုလုပ်ထားသော နို့ထွက်ပစ္စည်း အခြေခံသည့် ထောပတ်၊ ဒိန်ခဲ၊ မလိုင်စသည့် အစားအစာများလည်း အကျုံးဝင်ပါသည်။ ဝက်ခြံရောဂါ သက်သာပျောက်ကင်းပါက စိတ်ချလက်ချ ပြန်စားနိုင်ပါသည်။

Credit : ဒေါက်တာခင်မောင်လွင် (FAME)
Healthcare.com.mm သင့်ကျန်းမာရေး စောင့်ရှောက်ပေး

Wednesday, 7 September 2016

သွားဖြူစေဖို့လိမ္မော်ခွံ

သွားတွေဟာ အသက်အရွယ်ရလာတာနဲ့အမျှ အရောင်ပြောင်းပါတယ်။ ဆေးလိပ်သောက်တာမျိုးဆိုရင် ဝါထိန်နေတတ်ပါတယ်။ ဒါပေမဲ့ ဆရာဝန်တွေရဲ့ အကူအညီနဲ့ သွားတွေကို ဖြူဖွေးနေအောင်လုပ်လို့ ရပါပြီ။

ဒါ့အပြင် အိမ်မှာပဲ ပုံမှန်လုပ်ပေးလို့ရတဲ့ နည်းလေးတစ်ခုလည်းရှိပါတယ်။ နည်းကတော့ အလွယ်လေးပါ။

လိမ္မော်သီးကို အခွံခွာပါ။ အခွံရဲ့ အဖြူဘက်ပိုင်းနဲ့ သွားတွေကို ပွတ်တိုက်ပေးရမှာ ဖြစ်ပါတယ်။ လိမ္မော်သီးအနှစ်ကိုလည်း သွားတွေပေါ်မှာ နှစ်မိနစ်၊ သုံးမိနစ်လောက်ထားပြီး သွားတွေကို ပလုတ်ကျင်းလိုက်ရမှာ ဖြစ်ပါတယ်။

ဒါပေမဲ့ မပြုလုပ်မီ လိမ္မောသီးကို သေချာဆေးပါ။ သန့်ရှင်းတာ သေချာစေဖို့ လိုပါတယ်။

အကြာကြီးဆီးအောင့်ထားတယ်ဆိုရင်

အစည်းအဝေးထဲမှာ အကြာ ကြီးထိုင်နေရချိန်၊ တစ်နေရာရာကို အချိန်မီ အပြေးသွားဖို့ လိုလာချိန်တွေမှာ ဆီးသွားချင်စိတ်ဖြစ်လာတဲ့အခါ အောင့်ထားတတ်တယ် ဆိုရင်တော့ အဲဒီအမူအကျင့်ကို ပြောင်းလဲပစ်ဖို့ လိုအပ်လာပါပြီ။ အထူးသဖြင့် အမျိုးသမီးတွေဆိုရင် ဆီးသွားချင်ပေမယ့်လည်း နေရာထိုင်ခင်းအဆင်မပြေတာတို့၊ အိမ်သာ ရုတ်တရက် ရှာမရတဲ့အနေအထားတွေမှာ ဆီးအောင့်ထားလေ့ရှိကြပါတယ်။ အချိန်အတော်ကြာအောင် ဆီးအောင့်ထားတာမျိုးတွေက ဆိုးကျိုးတွေ ရှိနိုင်တာကြောင့် သိထားရအောင်လို့ ဖော်ပြပေးလိုက်ပါတယ်။

ကျောက်ကပ်ကျောက်တည်စေခြင်း - အချိန်အကြာကြီး ဆီးအောင့်ထားရာကနေ ကျောက်ကပ်နဲ့ ဆီးလမ်းကြောင်း ကျောက်တည်တာတွေ ဖြစ်စေနိုင်ပါတယ်။ ကျောက် အရွယ်အစားသေးရင်တော့ နာကျင်မှုမရှိဘဲ အလိုအလျောက် အပြင်ကို စွန့်ထုတ်နိုင်ပေမယ့် အရွယ်အစားကြီးလာခဲ့ရင်တော့ ဆီးလမ်းကြောင်း ပိတ်စေပြီး အပြင်းအထန် နာကျင်စေမှာဖြစ်ပါတယ်။

ဆီးအိမ်ကြွက်သားများ အားယုတ်စေခြင်း - အကြာကြီး ဆီးထိန်းထားရတာကြောင့် ဆီးစွန့်ထုတ်မှုစနစ်ကို ဒုက္ခပေးနိုင်ပြီး ဆီးအိမ်ထဲက ဆီးတွေ အကုန် မစွန့်ထုတ်နိုင်တာမျိုးတွေပါ ကြုံရတတ်ပါတယ်။ နောက်ပြီး ဆီးအိမ်နံရံတွေကိုလည်း ရောင်ရမ်းတာမျိုးတွေ ဖြစ်တတ်ပါတယ်။

ဆီးလမ်းကြောင်းပိုးဝင်ခြင်း - အကြာကြီး ဆီးအောင့်ထားရာကနေ ဆီးလမ်းကြောင်း ပိုးဝင်တာမျိုးတွေလည်း ဖြစ်လေ့ရှိပါတယ်။ ဆီးအိမ်ထဲမှာ ဆီးတွေအကြာကြီး ထိန်းထားရာကနေ ဗက်တီးရီးယား ပေါက်ပွားမှုပမာဏမြင့်လာစေပြီး ဆီးလမ်းကြောင်း၊ ဆီးအိမ်နဲ့ ကျောက်ကပ်ပိုးဝင်တာမျိုး ဖြစ် နိုင်ပါတယ်။

ပုံမှန်အားဖြင့် တစ်နေ့ကို ဆီးရှစ်ကြိမ်ကနေ ဆယ်ကြိမ်အထိ သွားလေ့ရှိပြီး လူတစ်ယောက် နဲ့တစ်ယောက် မတူညီတတ်ပါဘူး။ ကျန်းမာရေးဆိုးကျိုး မရှိရလေအောင် ဘယ်လိုအခြေအနေပဲဖြစ်ဖြစ် ဆီးအကြာကြီး မအောင့်ထားသင့်ကြောင်း ဖော်ပြပေးလိုက်ပါတယ်။

Labels