ျပည္ေထာင္စုၾကံ႕ခိုင္ေရးႏွင့္ဖြ႕ံျဖိဳးေရးပါတီ: စမတ္ဖုန္းနဲ႕ဓာတ္ပံုေကာင္းေကာင္းေလးရေအာင္ဘယ္လိုရိုက္ယူမလဲ

စမတ္ဖုန္း ကုိင္ေဆာင္သူေတြဟာ ဓာတ္ပုံဆရာေတြ ျဖစ္လာကုန္ၾကပါတယ္။ ဒါေပမယ့္လုိ႔ ဓာတ္ပုံပညာ တက္ကြၽမ္းတဲ့သူေတြေတာ့ မဟုတ္ၾကျပန္ပါဘူး။

ပုံေတြလႈပ္တယ္၊ မျပတ္သားတဲ့ပုံေတြ အခ်ဳိးမက်တဲ့ပုံေတြ ျဖစ္ေနတတ္ပါ တယ္။ အခုေဖာ္ျပမယ့္ “ဓာတ္ပုံပညာ သိမွတ္စရာေလး” ေတြကုိ ေလ့လာၿပီး
နာရီ အနည္းငယ္ေလာက္ ေလ့က်င့္႐ုိက္ၾကည့္လုိက္မယ္ ဆုိရင္ေတာ့ အရင္ ကထက္ ပုိမုိေကာင္းမြန္တဲ့ ဓာတ္ပုံေတြ ရလာမွာ ေသခ်ာပါတယ္။

ဒါ့ေၾကာင့္ စမတ္ဖုန္း ကင္မရာနဲ႔႐ုိက္ရင္ သိထားသင့္တဲ့ ဓာတ္ပုံ ကင္မရာ ပညာ အခ်က္ အလက္ (၁၅) ခ်က္ကုိ ေဖာ္ျပလုိက္ပါတယ္

1// Focus ကုိ Manual နဲ႔ ခ်ိန္ပါ
------------------------------------
ဓာတ္ပုံျပတ္သားေအာင္ ကင္မရာမွာ ခ်ိန္ရမယ္ဆုိရင္ auto ထက္ manual နည္းက ပုိၿပီး စိတ္ခ်ရပါတယ္။ ပုံပ်က္စီးမႈလည္း နည္းပါတယ္။
ေခတ္ေပၚ စမတ္ဖုန္း ကင္မရာေတြမွာ လက္နဲ႔တုိ႔ထိၿပီး ္သခက် ခ်ိန္လုိ႔ရတဲ့အတြက္ အေတာ္ကုိ လြယ္ကူေနပါတယ္။ Focus မိၿပီ ဆုိတာနဲ႔
အခ်က္ေပးသံေလး ေတာင္ ျမည္ေပးပါေသးတယ္။ ကုိယ္ဘာသာ စိတ္ႀကဳိက္ Focus မိခ်င္္တဲ့ ေနရာေလးကုိ Screen ေပၚမွာ လက္နဲ႔ တုိ႔ေပးလုိက္႐ုံပါပဲ။
ဖုန္းက အလုိ အေလ်ာက္ focus ညိႇေပးၿပီး ခလုပ္ႏွိပ္ေပးလုိက္တာနဲ႔ ျပတ္သားတဲ့ ဓာတ္ပုံေလး ရသြားပါမယ္။

2// ဓာတ္ပုံေတြကုိ အေပၚစီးဘက္ကေန ႐ုိက္ယူပါ
------------------------------------------------------
အရင္က ကုိယ္တုိင္ ကုိယ္ပုံကုိယ္ ျပန္႐ုိက္တဲ့ အေလ့ရွိခဲ့ၿပီး အခုအခါမွာေတာ့ လူတုိင္း ဒီလုိ မဟုတ္ေတာ့တာ ေတြ႔ရပါတယ္။ ကုိယ္ အပါအ၀င္ အုပ္စုလုိက္
ဓာတ္ပုံ႐ုိက္တဲ့အခါ ကင္မရာကို မ်က္စိ အျမင့္ (eye level ) ထက္ ျမင္တဲ့ ေနရာမွာ ထားၿပီး ႐ုိက္ေပးပါ။ ဒါဆို ေမးေစ့ ၂ ထပ္ ျဖစ္ေပၚတာမ်ဳိး
မျဖစ္ ေတာ့ပါဘူး။ ၿပီးေတာ့ မ်က္ႏွာေတြလည္း flat မျဖစ္ေတာ့ဘဲ အလင္းအေမွာင္ ထင္ရွားလာၿပီး ျပတ္သားမႈ၊ ထင္ရွားမႈ ပုိေကာင္းလာပါလိမ့္မယ္။
ဒါေပမယ့္ ေလွခါးေပၚတက္ၿပီး ႐ုိက္တာမ်ဳိးေတာ့ မလုပ္ပါနဲ႔။ အႏၲရာယ္ အရမ္းမ်ားပါ တယ္။

3// ကင္မရာကုိ လက္ႏွစ္ဖက္ ကုိင္႐ုိက္ပါ
---------------------------------------------
လႈပ္ရွားေနတဲ့ပုံေတြ ေရြ႕ေနတဲ့ ပုံေတြကုိုိ ႐ုိက္တဲ့အခါ ဘယ္ ကင္မရာနဲ႔ ႐ုိက္ ႐ုိက္ နဲနဲေတာ့ ထိန္းေပးရပါတယ္။ မထိန္းရင္ ၀ါးတားတား ပုံေတြ
ရလာ တတ္ပါတယ္။ ဒီလုိမျဖစ္ရေအာင္ ကင္မရာကုိ လက္တစ္ဘက္နဲ႔ ကုိင္ ႐ုိက္မယ့္ အစား ပုိၿငိမ္သြားေအာင္ ကင္မရာကုိ လက္ႏွစ္ဖက္နဲ႔ ကုိင္ၿပီး
႐ုိက္ တာက ပုိေကာင္းတဲ့ပုံေတြ ရလာပါမယ္။ ျပတ္သားမႈ ပုိေကာင္းသြားပါတယ္။ အခ်ိန္ရရင္ေတာ့လက္ ၂ ဖက္ကုိ ျပင္ညီတစ္ခုေပၚမွာ တင္ၿပီး ႐ုိက္ရင္
ပုိ ေကာင္းပါမယ္။ လႈပ္ရွားမႈ ပုံေတြ ႐ုိက္တာေတာင္ ကင္မရာက တည္ၿငိမ္ ေနတဲ့အတြက္ ျပတ္သားတဲ့ပုံ ရႏုိင္ပါတယ္။

4// အလင္းတံခါးပိတ္ခ်ိန္ (Shutter Speed)
-------------------------------------------------
ရွင္းရွင္းေျပာရရင္ ခ်ိန္႐ုိက္လုိက္တဲ့ subject ဆီမွ ၀င္လာတဲ့ အလင္းတန္းကုိ အလင္းဖမ္း ဆင္ဆာဆီသုိ႔ ေရာက္သြားေအာင္ ဖြင့္ေပးလုိက္တဲ့
တံခါး ဖြင့္ခ်ိန္ကုိ Shutter speed လုိ႔ ေျပာႏုိင္ပါတယ္။ ေမွာင္ေနပါက အလင္း တံခါးကုိ ၾကာၾကာဖြင့္ထားေစၿပီး လင္းေနပါက တံခါးဖြင့္ခ်ိန္
တုိေတာင္း ရပါ မယ္။ အလင္းတံခါးဖြင့္ခ်ိန္ဟာ ပုံတစ္ပုံအတြက္ လုိအပ္တဲ့ အလင္းပမာဏ ရတဲ့ အထိ ဖြင့္ထားေပးရပါတယ္။Second နဲ႔
တုိင္းတာထားပါတယ္။ အလင္းေရာင္ ရွိေနၿပီး အလင္းတံခါး ၾကာၾကာဖြင့္ထားပါက ပုံေတြ ၀ါးသြား ေစပါတယ္။ ခြၽင္းခ်က္အေနနဲ႔ ေရတံခြန္လုိ
ေရစီးေၾကာင္းကုိ ၾကာၾကာ ဖြင့္႐ုိက္ ရင္ေတာ့ ခ်ည္မွ်င္တန္းလုိ ေရတံခြန္ကုိ ျမင္ရပါမယ္။ ကားမီးတန္း ရွည္ရွည္နဲ႔ လုိခ်င္ရင္ ညပုိင္း ႐ႈခင္းေတြ
႐ုိက္ရင္လည္း Shutter speed ၾကာၾကာ ဖြင့္ေပးဖုိ႔ လုိပါတယ္။ စိတ္ခ်ရတာက ကင္မရာကုိ tripod ေပၚမွာ တပ္ၿပီး ႐ုိက္ဖုိ႔ပါပဲ။
Slow အတြက္ အဆင္ေျပေစပါတယ္။

5// သုံးခ်ဳိး အမွတ္စည္းမ်ဥ္း(The Rule of Thirds)
--------------------------------------------------------
စမတ္ဖုန္းရဲ႕ screen မွာ ဓာတ္ပုံမ႐ုိက္ခင္ ေဒါင္လုိက္မ်ဥ္း ၂ ေၾကာင္း၊ အလ်ားလုိက္ မ်ဥ္း ၂ ေၾကာင္းကုိ ညီမွ်စြာ ဖိထားၿပီး အကြက္
၉ ကြက္ ျဖစ္ေန တာကုိ ေတြ႕ရပါမယ္။ မ်ဥ္းေၾကာင္းေတြ ဆုံရာ အမွတ္ (၄) ခုကုိ ေတြ႔ႏုိင္ပါ မယ္။ ဒီအမွတ္ (၄) ခုရဲ႕ တစ္ခုခုမွာ
subject ကုိထားၿပီး ႐ုိက္မယ္ဆုိရင္ ဓာတ္ပုံ ပညာအရ အင္မတန္မွ ၾကည့္လုိ႔ အဆင္္ေျပမယ့္ပုံ ျဖစ္ေနပါလိမ့္ မယ္။ မ်ားေသာအားျဖင့္
ဓာတ္ပုံ႐ုိက္ရင္ အလယ္ဗဟုိမွာပဲ ထား႐ုိက္ေလ့ ရွိပါ တယ္။ ေအာက္ပါ ပုံေတြက (Rule of Thirds) ကုိ အသုံးျပဳ ႐ုိက္ထားတဲ့ ပုံေတြ ျဖစ္ပါတယ္။

6// ေနာက္ခံတစ္ခုခု ပါေနေအာင္ ႐ုိက္ပါ
---------------------------------------------
Object တစ္ခုခုကုိ ႐ိုက္ရင္ ေနာက္ခံတစ္ခုခုပါေအာင္ ႐ုိက္လုိက္တာက အေတာ့္ ကုိ အသုံး၀င္တဲ့ နည္းလမ္းေကာင္း ျဖစ္ပါတယ္။
အေဆာက္အဦး ေတြ၊ ေတာေတာင္ေတြ ပါလာတာက ပုိၾကည့္ေကာင္းပါလိမ့္မယ္။ လူပုံ၊ သစ္ပင္ပုံ၊ လမ္းဆုိင္းဘုတ္၊ တစ္ခုခု႐ုိက္တဲ့အခါ ေနာက္ခံပါရင္
ပုံမွာ အနီး အေ၀းျမင္ သေဘာတရား (depth of field) ရလာေစပါတယ္။

7// ISO တန္ဖုိး ေရြးခ်ယ္သုံးပါ
----------------------------------
အလင္း အကဲခတ္တန္ဖုိး ျဖစ္ပါတယ္။ ၀င္လာတဲ့ အလင္းအေျခအေနေပၚ မူတည္ၿပီး ISO တန္ဖုိး ေရြးခ်ယ္ပါ။ အလင္းမ်ားရင္ ISO တန္ဖုိး ေလွ်ာ့ေပး
ၿပီး ေမွာင္ေနပါက ISO တန္ဖုိး တင္ေပးရပါမယ္။ ဒါဆုိ flash မီး သိပ္ မလုိ ေတာ့ပါဘူး။ ဒါေပမယ့္ ISO တန္ဖုိး တင္ေပးလိုက္ရင္
ပုံက ပိုလင္းလာေပ မယ့္ အစက္အေျပာက္ (grain) ေတြေတာ့ ျမင္လာရပါမယ္။ အလင္းေရာင္ လုံေလာက္ရင္ေတာ့ ISO နည္းနည္းပဲလုိၿပီး
ပုံျပတ္သား ၾကည္လင္ပါမယ္။ အရင္က ဖုန္းအေဟာင္းေတြမွာေတာ့ ကင္မရာအတြက္ ISO တန္ဖုိး ေရြး ခ်ယ္ႏုိင္မႈ ပါရွိလာမွာ မဟုတ္ပါဘူး။

8// ပါႏုိရာမား “ ျမင္ကြင္းက်ယ္ပုံ ”
------------------------------------
႐ႈခင္းပုံေတြ ႐ုိက္ရင္ေတာ့ ျမင္ကြင္းက်ယ္ပုံေတြ ႐ုိက္ယူရတာ အေတာ္ကုိ ၾကည့္ေကာင္းပါတယ္။ Panorama ပုံ ႐ုိက္မယ္ဆုိရင္ ပထမ
panorama mode အရင္ ေရြးပါ။ ပုံရဲ႕ စမွတ္မွာ ခလုပ္ႏွိပ္ၿပီး လုိခ်င္သေလာက္ လက္ ၿငိမ္ၿငိမ္ ထားၿပီး ေရျပင္ညီအတုိင္း ျဖည္းျဖည္းလွည့္ၿပီး
ကင္မရာကုိ ေရႊ႕ေပး ပါ။ အဆုံးမွတ္ေရာက္ရင္ ခလုတ္ႏွိပ္ၿပီး ရပ္လုိက္ပါ။ ကင္မရာက ရွည္လ်ား တဲ့ ပုံတစ္ပုံအျဖစ္ ေပါင္းစပ္ ဖန္တီးေပးလုိက္ပါမယ္။
စမတ္ဖုန္း တုိင္းမွာ ေတာ့ panorama ပုံေတြ ႐ုိက္လုိ႔ရခ်င္မွ ရပါမယ္။ ဒါေပမယ့္ အခ်ိဳ႕ ဖုန္းေတြမွာ panorama app ကုိတင္ၿပီး ႐ုိက္ရင္ေတာ့ ရပါမယ္။

9// အလင္းေရာင္ အေျခအေနကို နားလည္ထားျခင္း
---------------------------------------------------------
မွန္ကန္တဲ့ အလင္းေရာင္ ရရွိမွသာ ပုံေကာင္းတစ္ပု ံျဖစ္လာႏုိင္ပါတယ္။ ရည္ရြယ္ထားတဲ့ ပုံရဖုိ႔ေတာ့ လုိခ်င္တဲ့ အလင္းေရာင္ ရေနဖုိ႔ ဖန္တီးပါ။
ဥပမာ object တစ္ခုကုိ အလင္းေကာင္းေကာင္းရဖုိ႔ ကင္မရာနဲ႔ ေနာက္ဘက္ မွ အလင္းထုိးေပးပါက အလင္း လုံလုံေလာက္ေလာက္ ရပါမယ္။
လုံး၀ အလင္း မလုံေလာက္ပါက ကင္မရာရဲ႕ flash မီး ဖြင့္သုံးေပးပါ။

10// လွ်ပ္တျပတ္မီးကုိ အေပၚမွာ
------------------------------------
အလင္းေနာက္အခံ တစ္ခုခံၿပီး သုံးပါ
-----------------------------------------
အနီးကပ္ ဓာတ္ပုံ႐ုိက္တဲ့အခါ ျဖစ္ႏုိင္ရင္ flash မီး မသုံးတာက ပုိေကာင္းပါ တယ္။ တကယ္လုိ႔ သံုံးတဲ့အခါမွာ object ရဲ႕ မူလ
အေရာင္အေသြးေတြ ေျပာင္းသြား တတ္ၿပီး ေနာက္ခံဘက္ဂေရာင္းမွာလည္း မီးျပင္းပါက ျဖဴေဖြး သြားတတ္ပါတယ္။ တကယ္လုိ႔ သဘာ၀က ရတဲ့ အလင္းေရာင္
မလုံေလာက္ ပါက LED flash မီးေပၚမွာ အညဳိေရာင္ တိပ္အပါးေလးကုိ ကပ္အုပ္ကာ ဓာတ္ပုံ ႐ုိက္ယူပါ။ မီးအား ေလ်ာ့လုိက္တဲ့ သေဘာပါ။
အသားေပၚမွာ ေပ်ာ့ေျပာင္းတဲ့ အလင္းေရာင္ က်လာပါမယ္။

11// သင့္ေတာ္တဲ့အခ်ိန္ ေရြးပါလုိ႔
--------------------------------------
ရည္ရြယ္ခ်က္ တစ္ခုခုေၾကာင့္ ႐ုိက္တယ္ ဆုိရင္ေတာ့ လုိခ်င္တဲ့ အလင္း ေရာင္ ရႏုိင္မယ့္အခ်ိန္ ေရြးခ်ယ္ေပးရပါမယ္။ ဓာတ္ပုံဆရာ ေတာ္ေတာ္
မ်ားမ်ား က ေျပာၾကတာကေတာ့ နံနက္ခင္း ေနေရာင္နဲ႔ ညေနခင္း ေနေရာင္မွာ ဓာတ္ပုံ႐ုိက္ရင္ ပုိမုိ စိတ္၀င္စားစရာ ေကာင္းတဲ့ပုံေတြ ရမယ္လုိ႔ ေျပာပါတယ္။

12// ကင္မရာမွန္ဘီလူးကုိ အၿမဲသန္႔ရွင္းေနပါေစ
------------------------------------------------------
မၾကာခဏ ဓာတ္ပုံမ႐ုိက္ခင္ ကင္မရာ မွန္ဘီလူးကုိ စစ္ေဆးပါ။ လက္ရာ ဒါမွမဟုတ္ အမႈန္ကေလးမ်ား ကပ္ေနတတ္ပါတယ္။ ဒါ့ေၾကာင့္ ကင္မရာ
မွန္ဘီလူးကုိ ႏူးညံ့တဲ့ အ၀တ္စေလးနဲ႔ ပြတ္တုိက္လုိက္ပါ။ အထူူးသျဖင့္ ပင္လယ္ ကမ္းေျခမွာ ဖုန္းနဲ႔ ဓာတ္ပုံ႐ုိက္မယ္ဆုိရင္ အထူး သတိထားၿပီး
မွန္ဘီလူး (lens) ကုိ ဂ႐ုစုိက္ သန္႔ရွင္းေပးပါ။ သဲထဲက်သြားရင္လည္း ခ်က္ခ်င္း ပြတ္တုိက္မပစ္ဘဲ brush အေမႊးႏုေလးနဲ႔ အသာအယာ ပြတ္ခ် ေပးပါ။

13// ေနာက္တဆင့္တက္ၿပီး မွတ္စရာ
-----------------------------------------
Optical zoom ခ်ဲ႕ေပးတာနဲ႔ digital zoom ခ်ဲ႕ေပးတာ အရည္အေသြး မတူပါ ဘူး။ Optical zoom က မွန္ဘီလူး အရည္အေသြးနဲ႔
လုပ္ေဆာင္ခ်က္ေၾကာင့္ ခ်ဲ႕ေပးတာျဖစ္ၿပီး digital zoom က softWare နဲ႔ အီလက္ထရြန္းနစ္ ပစၥည္း ေတြရဲ႕ လုပ္ေဆာင္ေပးခ်က္ေၾကာင့္
့့့့အႀကီးခ်ဲ႕သြားတာ ျဖစ္ပါတယ္။ သဘာ၀ အရွိအတုိင္း တကယ္ လုပ္တာမဟုတ္ပါဘူး။ Pixel ေတြကုိ အဆပြားေပး လုိက္တာပဲ ျဖစ္ပါတယ္။
အရည္အေသြး သိပ္မေကာင္းပါဘူး။ အနားကပ္ ႐ုိက္ထားရင္ေတာ့ အေတာ္အတန္ ပုိေကာင္းသြားပါတယ္။

14// နီးေ၀းျမင့္ သေဘာတရားကုိ သုံးၿပီး ဓာတ္ပုံ ဖန္တီးယူပါ
--------------------------------------------------------------------
ဓာတ္ပုံေတြ ႐ုိက္တဲ့အခါ မ်ားေသာအားျဖင့္ မ်က္စိ အျမင္တန္း (eye level) အတုိင္း ႐ုိက္ၾကပါတယ္။ အခ်ိဳ႕က ဒူးေပၚတင္ၿပီး ထုိင္႐ုိက္ၾကသလုိ
တခ်ိဳ႕က ၀မ္းလ်ားေမွာက္ ႐ုိက္ၾကပါတယ္။ အခ်ိဳ႕ကလည္း ထုိင္ခုံေပၚတင္ ႐ုိက္ၾက ပါတယ္။ ကင္မရာ အေနအထားအရ ဓာတ္ပုံထဲက ျမင္ကြင္းေတြဟာ
တစ္မ်ဳိး စီ ခံစားျမင္ရပါမယ္။ မိမိရဲ႕ အေတြ႕အႀကဳံအရ အျမင္ထူးဆန္းတဲ့ perspective ပုံေတြ ရလာမွာ ျဖစ္ပါတယ္။

15// ႐ုိက္ၿပီးသား ပုံေတြကုိ ျပန္လည္မြမ္းမံ ျပင္ဆင္ေပးႏုိင္ပါတယ္
-------------------------------------------------------------------------
ဓာတ္ပုံ ႐ုိက္လုိက္တုိင္း စိတ္တုိင္းက် အလင္းအေမွာင္၊ အေရာင္အေသြးနဲ႔ ပုံ အေနအထား ရခ်င္မွ ရပါမယ္။ ေကာင္းတာက ဓာတ္ပုံ ျပဳျပင္မြမ္းမံေပးတဲ့
app တစ္ခုခုမွာ ၀င္ၿပီး အခု႐ုိက္ထားတဲ့ပုံကုိ အလင္းအေမွာင္၊ tone နဲ႔ အျဖတ္ အေတာက္ေတြ ထပ္မံျပဳလုပ္ယူႏုိင္ပါတယ္။ ၿပီးရင္ေတာ့ save
လုပ္ထားၿပီး online ေပၚျဖစ္ျဖစ္ print ထုတ္လုိ႔ပဲျဖစ္ျဖစ္ ထပ္မံ လုပ္ယူပါက ပုိမုိ စိတ္ေက်နပ္ဖြယ္ရွိတဲ့ပုံ ျဖစ္လာပါမယ္။

အခုေလာက္ ဂ႐ုစုိက္ၿပီး စမတ္ဖုန္း ဓာတ္ပုံ႐ုိက္ယူမယ္ဆုိရင္ ဓာတ္ပုံ ပညာ သား ပါတဲ့ ပုံေတြ ရလာမွာ ေသခ်ာပါတယ္။

ေအးျမင့္ဦး (ITSG)

<<<Unicode Version>>>

ဓာတ်ပုံ ကောင်းကောင်းလေး ရအောင်
===========================
စမတ်ဖုန်းနဲ့ ဘယ်လိုရိုက်ယူမလဲ
=======================
-----T I P S & T R I C K S-----

စမတ်ဖုန်း ကိုင်ဆောင်သူတွေဟာ ဓာတ်ပုံဆရာတွေ ဖြစ်လာကုန်ကြပါတယ်။ ဒါပေမယ့်လို့ ဓာတ်ပုံပညာ တက်ကျွမ်းတဲ့သူတွေတော့ မဟုတ်ကြပြန်ပါဘူး။

ပုံတွေလှုပ်တယ်၊ မပြတ်သားတဲ့ပုံတွေ အချိုးမကျတဲ့ပုံတွေ ဖြစ်နေတတ်ပါ တယ်။ အခုဖော်ပြမယ့် “ဓာတ်ပုံပညာ သိမှတ်စရာလေး” တွေကို လေ့လာပြီး
နာရီ အနည်းငယ်လောက် လေ့ကျင့်ရိုက်ကြည့်လိုက်မယ် ဆိုရင်တော့ အရင် ကထက် ပိုမိုကောင်းမွန်တဲ့ ဓာတ်ပုံတွေ ရလာမှာ သေချာပါတယ်။

ဒါ့ကြောင့် စမတ်ဖုန်း ကင်မရာနဲ့ရိုက်ရင် သိထားသင့်တဲ့ ဓာတ်ပုံ ကင်မရာ ပညာ အချက် အလက် (၁၅) ချက်ကို ဖော်ပြလိုက်ပါတယ်

1// Focus ကို Manual နဲ့ ချိန်ပါ
------------------------------------
ဓာတ်ပုံပြတ်သားအောင် ကင်မရာမှာ ချိန်ရမယ်ဆိုရင် auto ထက် manual နည်းက ပိုပြီး စိတ်ချရပါတယ်။ ပုံပျက်စီးမှုလည်း နည်းပါတယ်။
ခေတ်ပေါ် စမတ်ဖုန်း ကင်မရာတွေမှာ လက်နဲ့တို့ထိပြီး ်သခကျ ချိန်လို့ရတဲ့အတွက် အတော်ကို လွယ်ကူနေပါတယ်။ Focus မိပြီ ဆိုတာနဲ့
အချက်ပေးသံလေး တောင် မြည်ပေးပါသေးတယ်။ ကိုယ်ဘာသာ စိတ်ကြိုက် Focus မိချင််တဲ့ နေရာလေးကို Screen ပေါ်မှာ လက်နဲ့ တို့ပေးလိုက်ရုံပါပဲ။
ဖုန်းက အလို အလျောက် focus ညှိပေးပြီး ခလုပ်နှိပ်ပေးလိုက်တာနဲ့ ပြတ်သားတဲ့ ဓာတ်ပုံလေး ရသွားပါမယ်။

2// ဓာတ်ပုံတွေကို အပေါ်စီးဘက်ကနေ ရိုက်ယူပါ
------------------------------------------------------
အရင်က ကိုယ်တိုင် ကိုယ်ပုံကိုယ် ပြန်ရိုက်တဲ့ အလေ့ရှိခဲ့ပြီး အခုအခါမှာတော့ လူတိုင်း ဒီလို မဟုတ်တော့တာ တွေ့ရပါတယ်။ ကိုယ် အပါအဝင် အုပ်စုလိုက်
ဓာတ်ပုံရိုက်တဲ့အခါ ကင်မရာကို မျက်စိ အမြင့် (eye level ) ထက် မြင်တဲ့ နေရာမှာ ထားပြီး ရိုက်ပေးပါ။ ဒါဆို မေးစေ့ ၂ ထပ် ဖြစ်ပေါ်တာမျိုး
မဖြစ် တော့ပါဘူး။ ပြီးတော့ မျက်နှာတွေလည်း flat မဖြစ်တော့ဘဲ အလင်းအမှောင် ထင်ရှားလာပြီး ပြတ်သားမှု၊ ထင်ရှားမှု ပိုကောင်းလာပါလိမ့်မယ်။
ဒါပေမယ့် လှေခါးပေါ်တက်ပြီး ရိုက်တာမျိုးတော့ မလုပ်ပါနဲ့။ အန္တရာယ် အရမ်းများပါ တယ်။

3// ကင်မရာကို လက်နှစ်ဖက် ကိုင်ရိုက်ပါ
---------------------------------------------
လှုပ်ရှားနေတဲ့ပုံတွေ ရွေ့နေတဲ့ ပုံတွေကိုုိ ရိုက်တဲ့အခါ ဘယ် ကင်မရာနဲ့ ရိုက် ရိုက် နဲနဲတော့ ထိန်းပေးရပါတယ်။ မထိန်းရင် ၀ါးတားတား ပုံတွေ
ရလာ တတ်ပါတယ်။ ဒီလိုမဖြစ်ရအောင် ကင်မရာကို လက်တစ်ဘက်နဲ့ ကိုင် ရိုက်မယ့် အစား ပိုငြိမ်သွားအောင် ကင်မရာကို လက်နှစ်ဖက်နဲ့ ကိုင်ပြီး
ရိုက် တာက ပိုကောင်းတဲ့ပုံတွေ ရလာပါမယ်။ ပြတ်သားမှု ပိုကောင်းသွားပါတယ်။ အချိန်ရရင်တော့လက် ၂ ဖက်ကို ပြင်ညီတစ်ခုပေါ်မှာ တင်ပြီး ရိုက်ရင်
ပို ကောင်းပါမယ်။ လှုပ်ရှားမှု ပုံတွေ ရိုက်တာတောင် ကင်မရာက တည်ငြိမ် နေတဲ့အတွက် ပြတ်သားတဲ့ပုံ ရနိုင်ပါတယ်။

4// အလင်းတံခါးပိတ်ချိန် (Shutter Speed)
-------------------------------------------------
ရှင်းရှင်းပြောရရင် ချိန်ရိုက်လိုက်တဲ့ subject ဆီမှ ၀င်လာတဲ့ အလင်းတန်းကို အလင်းဖမ်း ဆင်ဆာဆီသို့ ရောက်သွားအောင် ဖွင့်ပေးလိုက်တဲ့
တံခါး ဖွင့်ချိန်ကို Shutter speed လို့ ပြောနိုင်ပါတယ်။ မှောင်နေပါက အလင်း တံခါးကို ကြာကြာဖွင့်ထားစေပြီး လင်းနေပါက တံခါးဖွင့်ချိန်
တိုတောင်း ရပါ မယ်။ အလင်းတံခါးဖွင့်ချိန်ဟာ ပုံတစ်ပုံအတွက် လိုအပ်တဲ့ အလင်းပမာဏ ရတဲ့ အထိ ဖွင့်ထားပေးရပါတယ်။Second နဲ့
တိုင်းတာထားပါတယ်။ အလင်းရောင် ရှိနေပြီး အလင်းတံခါး ကြာကြာဖွင့်ထားပါက ပုံတွေ ၀ါးသွား စေပါတယ်။ ချွင်းချက်အနေနဲ့ ရေတံခွန်လို
ရေစီးကြောင်းကို ကြာကြာ ဖွင့်ရိုက် ရင်တော့ ချည်မျှင်တန်းလို ရေတံခွန်ကို မြင်ရပါမယ်။ ကားမီးတန်း ရှည်ရှည်နဲ့ လိုချင်ရင် ညပိုင်း ရှုခင်းတွေ
ရိုက်ရင်လည်း Shutter speed ကြာကြာ ဖွင့်ပေးဖို့ လိုပါတယ်။ စိတ်ချရတာက ကင်မရာကို tripod ပေါ်မှာ တပ်ပြီး ရိုက်ဖို့ပါပဲ။
Slow အတွက် အဆင်ပြေစေပါတယ်။

5// သုံးချိုး အမှတ်စည်းမျဉ်း(The Rule of Thirds)
--------------------------------------------------------
စမတ်ဖုန်းရဲ့ screen မှာ ဓာတ်ပုံမရိုက်ခင် ဒေါင်လိုက်မျဉ်း ၂ ကြောင်း၊ အလျားလိုက် မျဉ်း ၂ ကြောင်းကို ညီမျှစွာ ဖိထားပြီး အကွက်
၉ ကွက် ဖြစ်နေ တာကို တွေ့ရပါမယ်။ မျဉ်းကြောင်းတွေ ဆုံရာ အမှတ် (၄) ခုကို တွေ့နိုင်ပါ မယ်။ ဒီအမှတ် (၄) ခုရဲ့ တစ်ခုခုမှာ
subject ကိုထားပြီး ရိုက်မယ်ဆိုရင် ဓာတ်ပုံ ပညာအရ အင်မတန်မှ ကြည့်လို့ အဆင််ပြေမယ့်ပုံ ဖြစ်နေပါလိမ့် မယ်။ များသောအားဖြင့်
ဓာတ်ပုံရိုက်ရင် အလယ်ဗဟိုမှာပဲ ထားရိုက်လေ့ ရှိပါ တယ်။ အောက်ပါ ပုံတွေက (Rule of Thirds) ကို အသုံးပြု ရိုက်ထားတဲ့ ပုံတွေ ဖြစ်ပါတယ်။

6// နောက်ခံတစ်ခုခု ပါနေအောင် ရိုက်ပါ
---------------------------------------------
Object တစ်ခုခုကို ရိုက်ရင် နောက်ခံတစ်ခုခုပါအောင် ရိုက်လိုက်တာက အတော့် ကို အသုံးဝင်တဲ့ နည်းလမ်းကောင်း ဖြစ်ပါတယ်။
အဆောက်အဦး တွေ၊ တောတောင်တွေ ပါလာတာက ပိုကြည့်ကောင်းပါလိမ့်မယ်။ လူပုံ၊ သစ်ပင်ပုံ၊ လမ်းဆိုင်းဘုတ်၊ တစ်ခုခုရိုက်တဲ့အခါ နောက်ခံပါရင်
ပုံမှာ အနီး အဝေးမြင် သဘောတရား (depth of field) ရလာစေပါတယ်။

7// ISO တန်ဖိုး ရွေးချယ်သုံးပါ
----------------------------------
အလင်း အကဲခတ်တန်ဖိုး ဖြစ်ပါတယ်။ ၀င်လာတဲ့ အလင်းအခြေအနေပေါ် မူတည်ပြီး ISO တန်ဖိုး ရွေးချယ်ပါ။ အလင်းများရင် ISO တန်ဖိုး လျှော့ပေး
ပြီး မှောင်နေပါက ISO တန်ဖိုး တင်ပေးရပါမယ်။ ဒါဆို flash မီး သိပ် မလို တော့ပါဘူး။ ဒါပေမယ့် ISO တန်ဖိုး တင်ပေးလိုက်ရင်
ပုံက ပိုလင်းလာပေ မယ့် အစက်အပြောက် (grain) တွေတော့ မြင်လာရပါမယ်။ အလင်းရောင် လုံလောက်ရင်တော့ ISO နည်းနည်းပဲလိုပြီး
ပုံပြတ်သား ကြည်လင်ပါမယ်။ အရင်က ဖုန်းအဟောင်းတွေမှာတော့ ကင်မရာအတွက် ISO တန်ဖိုး ရွေး ချယ်နိုင်မှု ပါရှိလာမှာ မဟုတ်ပါဘူး။

8// ပါနိုရာမား “ မြင်ကွင်းကျယ်ပုံ ”
------------------------------------
ရှုခင်းပုံတွေ ရိုက်ရင်တော့ မြင်ကွင်းကျယ်ပုံတွေ ရိုက်ယူရတာ အတော်ကို ကြည့်ကောင်းပါတယ်။ Panorama ပုံ ရိုက်မယ်ဆိုရင် ပထမ
panorama mode အရင် ရွေးပါ။ ပုံရဲ့ စမှတ်မှာ ခလုပ်နှိပ်ပြီး လိုချင်သလောက် လက် ငြိမ်ငြိမ် ထားပြီး ရေပြင်ညီအတိုင်း ဖြည်းဖြည်းလှည့်ပြီး
ကင်မရာကို ရွှေ့ပေး ပါ။ အဆုံးမှတ်ရောက်ရင် ခလုတ်နှိပ်ပြီး ရပ်လိုက်ပါ။ ကင်မရာက ရှည်လျား တဲ့ ပုံတစ်ပုံအဖြစ် ပေါင်းစပ် ဖန်တီးပေးလိုက်ပါမယ်။
စမတ်ဖုန်း တိုင်းမှာ တော့ panorama ပုံတွေ ရိုက်လို့ရချင်မှ ရပါမယ်။ ဒါပေမယ့် အချို့ ဖုန်းတွေမှာ panorama app ကိုတင်ပြီး ရိုက်ရင်တော့ ရပါမယ်။

9// အလင်းရောင် အခြေအနေကို နားလည်ထားခြင်း
---------------------------------------------------------
မှန်ကန်တဲ့ အလင်းရောင် ရရှိမှသာ ပုံကောင်းတစ်ပု ံဖြစ်လာနိုင်ပါတယ်။ ရည်ရွယ်ထားတဲ့ ပုံရဖို့တော့ လိုချင်တဲ့ အလင်းရောင် ရနေဖို့ ဖန်တီးပါ။
ဥပမာ object တစ်ခုကို အလင်းကောင်းကောင်းရဖို့ ကင်မရာနဲ့ နောက်ဘက် မှ အလင်းထိုးပေးပါက အလင်း လုံလုံလောက်လောက် ရပါမယ်။
လုံးဝ အလင်း မလုံလောက်ပါက ကင်မရာရဲ့ flash မီး ဖွင့်သုံးပေးပါ။

10// လျှပ်တပြတ်မီးကို အပေါ်မှာ
------------------------------------
အလင်းနောက်အခံ တစ်ခုခံပြီး သုံးပါ
-----------------------------------------
အနီးကပ် ဓာတ်ပုံရိုက်တဲ့အခါ ဖြစ်နိုင်ရင် flash မီး မသုံးတာက ပိုကောင်းပါ တယ်။ တကယ်လို့ သုံံးတဲ့အခါမှာ object ရဲ့ မူလ
အရောင်အသွေးတွေ ပြောင်းသွား တတ်ပြီး နောက်ခံဘက်ဂရောင်းမှာလည်း မီးပြင်းပါက ဖြူဖွေး သွားတတ်ပါတယ်။ တကယ်လို့ သဘာဝက ရတဲ့ အလင်းရောင်
မလုံလောက် ပါက LED flash မီးပေါ်မှာ အညိုရောင် တိပ်အပါးလေးကို ကပ်အုပ်ကာ ဓာတ်ပုံ ရိုက်ယူပါ။ မီးအား လျော့လိုက်တဲ့ သဘောပါ။
အသားပေါ်မှာ ပျော့ပြောင်းတဲ့ အလင်းရောင် ကျလာပါမယ်။

11// သင့်တော်တဲ့အချိန် ရွေးပါလို့
--------------------------------------
ရည်ရွယ်ချက် တစ်ခုခုကြောင့် ရိုက်တယ် ဆိုရင်တော့ လိုချင်တဲ့ အလင်း ရောင် ရနိုင်မယ့်အချိန် ရွေးချယ်ပေးရပါမယ်။ ဓာတ်ပုံဆရာ တော်တော်
များများ က ပြောကြတာကတော့ နံနက်ခင်း နေရောင်နဲ့ ညနေခင်း နေရောင်မှာ ဓာတ်ပုံရိုက်ရင် ပိုမို စိတ်ဝင်စားစရာ ကောင်းတဲ့ပုံတွေ ရမယ်လို့ ပြောပါတယ်။

12// ကင်မရာမှန်ဘီလူးကို အမြဲသန့်ရှင်းနေပါစေ
------------------------------------------------------
မကြာခဏ ဓာတ်ပုံမရိုက်ခင် ကင်မရာ မှန်ဘီလူးကို စစ်ဆေးပါ။ လက်ရာ ဒါမှမဟုတ် အမှုန်ကလေးများ ကပ်နေတတ်ပါတယ်။ ဒါ့ကြောင့် ကင်မရာ
မှန်ဘီလူးကို နူးညံ့တဲ့ အဝတ်စလေးနဲ့ ပွတ်တိုက်လိုက်ပါ။ အထူူးသဖြင့် ပင်လယ် ကမ်းခြေမှာ ဖုန်းနဲ့ ဓာတ်ပုံရိုက်မယ်ဆိုရင် အထူး သတိထားပြီး
မှန်ဘီလူး (lens) ကို ဂရုစိုက် သန့်ရှင်းပေးပါ။ သဲထဲကျသွားရင်လည်း ချက်ချင်း ပွတ်တိုက်မပစ်ဘဲ brush အမွှေးနုလေးနဲ့ အသာအယာ ပွတ်ချ ပေးပါ။

13// နောက်တဆင့်တက်ပြီး မှတ်စရာ
-----------------------------------------
Optical zoom ချဲ့ပေးတာနဲ့ digital zoom ချဲ့ပေးတာ အရည်အသွေး မတူပါ ဘူး။ Optical zoom က မှန်ဘီလူး အရည်အသွေးနဲ့
လုပ်ဆောင်ချက်ကြောင့် ချဲ့ပေးတာဖြစ်ပြီး digital zoom က softWare နဲ့ အီလက်ထရွန်းနစ် ပစ္စည်း တွေရဲ့ လုပ်ဆောင်ပေးချက်ကြောင့်
့့့့အကြီးချဲ့သွားတာ ဖြစ်ပါတယ်။ သဘာဝ အရှိအတိုင်း တကယ် လုပ်တာမဟုတ်ပါဘူး။ Pixel တွေကို အဆပွားပေး လိုက်တာပဲ ဖြစ်ပါတယ်။
အရည်အသွေး သိပ်မကောင်းပါဘူး။ အနားကပ် ရိုက်ထားရင်တော့ အတော်အတန် ပိုကောင်းသွားပါတယ်။

14// နီးဝေးမြင့် သဘောတရားကို သုံးပြီး ဓာတ်ပုံ ဖန်တီးယူပါ
--------------------------------------------------------------------
ဓာတ်ပုံတွေ ရိုက်တဲ့အခါ များသောအားဖြင့် မျက်စိ အမြင်တန်း (eye level) အတိုင်း ရိုက်ကြပါတယ်။ အချို့က ဒူးပေါ်တင်ပြီး ထိုင်ရိုက်ကြသလို
တချို့က ၀မ်းလျားမှောက် ရိုက်ကြပါတယ်။ အချို့ကလည်း ထိုင်ခုံပေါ်တင် ရိုက်ကြ ပါတယ်။ ကင်မရာ အနေအထားအရ ဓာတ်ပုံထဲက မြင်ကွင်းတွေဟာ
တစ်မျိုး စီ ခံစားမြင်ရပါမယ်။ မိမိရဲ့ အတွေ့အကြုံအရ အမြင်ထူးဆန်းတဲ့ perspective ပုံတွေ ရလာမှာ ဖြစ်ပါတယ်။

15// ရိုက်ပြီးသား ပုံတွေကို ပြန်လည်မွမ်းမံ ပြင်ဆင်ပေးနိုင်ပါတယ်
-------------------------------------------------------------------------
ဓာတ်ပုံ ရိုက်လိုက်တိုင်း စိတ်တိုင်းကျ အလင်းအမှောင်၊ အရောင်အသွေးနဲ့ ပုံ အနေအထား ရချင်မှ ရပါမယ်။ ကောင်းတာက ဓာတ်ပုံ ပြုပြင်မွမ်းမံပေးတဲ့
app တစ်ခုခုမှာ ၀င်ပြီး အခုရိုက်ထားတဲ့ပုံကို အလင်းအမှောင်၊ tone နဲ့ အဖြတ် အတောက်တွေ ထပ်မံပြုလုပ်ယူနိုင်ပါတယ်။ ပြီးရင်တော့ save
လုပ်ထားပြီး online ပေါ်ဖြစ်ဖြစ် print ထုတ်လို့ပဲဖြစ်ဖြစ် ထပ်မံ လုပ်ယူပါက ပိုမို စိတ်ကျေနပ်ဖွယ်ရှိတဲ့ပုံ ဖြစ်လာပါမယ်။

အခုလောက် ဂရုစိုက်ပြီး စမတ်ဖုန်း ဓာတ်ပုံရိုက်ယူမယ်ဆိုရင် ဓာတ်ပုံ ပညာ သား ပါတဲ့ ပုံတွေ ရလာမှာ သေချာပါတယ်။

အေးမြင့်ဦး (ITSG)