IosမှာNight Shiftကိုဘယ်လိုenableလုပ်မလဲ

iOS မှာ Night Shift ကို ဘယ်လို enable လုပ်မလဲ
-----------------------How To------------------------

စာဖတ်တဲ့ပုံစံ ဗဟုသုတ သိုမှီးရှာဖွေ စုဆောင်းတဲ့ ပုံစံတွေက tablet တွေ ပေါ်လာပြီး နောက်ပိုင်း ပုံစံ ပြောင်းလာခဲ့ပါတယ်။ 
လုပ်ငန်းသုံးအဖြစ် တစ်မျိုး၊ ဂိမ်းနှင့် အထွေထွေ အသုံးပြုမှုဖြင့် တစ်ဖုံ နေရာမရွေး လွယ်ကူစွာ သယ်ဆောင်သွားနိုင်သလို ပေါ့ပါးမှု
ရှိတာကြောင့် တွင်တွင်ကျယ်ကျယ် ဖြစ်လာခဲ့ပါပြီ။

ဒီလို အရမ်း အသုံးဝင်ပေမဲ့ အလင်းရောင် စူးရှတောက်ပနေတဲ့ မျက်နှာပြင် တစ်ခုကို အချိန်ပြည့် ကြည့်နေမယ်ဆိုရင် အထူးသဖြင့် 
ညဘက်တွေမှာ အိပ်ရေးပျက်စေမှာ အသေအချာပါ။ ဒါ့ကြောင့် Apple က ထုတ်တဲ့ iPad အပါအ၀င် tablet ထုတ်လုပ်သူတွေဟာ
ညဘက်မှာ စူးရှတဲ့ အလင်းရောင်ကို ထိန်းညှိပေးနိုင်ဖို့အတွက် features တွေ ထည့်သွင်းပေးလာပါတယ်။

လူတွေရဲ့ အိပ်စက်ချင်စိတ် ဖြစ်လာစေတဲ့ melatonin ဟော်မုန်းတွေကို ထုတ်လုပ်မှု ရပ်တန့်သွားအောင် တီဗွီ၊ စမတ်ဖုန်းနဲ့ 
တက်ဘလက်တွေရဲ့ အလင်းရောင်တွေက ပြုလုပ်နိုင်တာမို့ မျက်စိ ကျန်းမာရေးအပြင် အိပ်မရတဲ့ ညတွေပါ များသွားစေနိုင်ပါတယ်။

ဒီလို ကျန်းမာရေးတွေ မထိခိုက်စေဖို့ သင် အသုံးပြုနေတဲ့ iPad က iOS 9.3 ကို အသုံးပြုထားမယ် ဆိုရင်တော့
Night Shift feature ကို ဖွင့်ပြီး အိပ်ချင် စိတ်ကို အနှောက်အယှက် မဖြစ်အောင် ညဘက်မှာ စိတ်ချလက်ချ
အသုံးပြု နိုင်မှာ ဖြစ်ပါတယ်။ လုပ်ဆောင်ရမှာက

(၁) Settings ကိုဖွင့်ပါ

(၂) Display & Brightness ကို နှိပ်ပါ

(၃) Night Shift ကိုနှိပ်ပါ

(၄) အချိန် အတိအကျ သတ်မှတ်မှာလား ဒါမှမဟုတ် မနက်ဖြန်အထိ ထားမှာ လား ဆိုတာကို Scheduled ဒါမှမဟုတ်
Manually enable until tomorrow စသဖြင့် ရွေးချယ် ဆောင်ရွက်နိုင်ပါတယ်။

ဒါ့ကြောင့် Night Shift feature ကို အသုံးပြုမယ် ဆိုရင်တော့ အိပ်ရေး မပျက်ဘဲ စိတ်လက်ချမ်းသာစွာ 
စာဖတ်၊ အလုပ်လုပ်နိုင်မှာ ဖြစ်ပါတယ်။.

ကိုသန့်

















အောင်မြင့်မြတ်(Myanmar Youths)